वाढीले विद्यालय भवणसँगै दुई घर बगायो
बिहीबार, १६ असार २०७३, १८ : ३४
जाजरकोट – गएराति अविरल वर्षा संगै गुर्सेखोलामा आएको वाढीले लहँ गाविस वडा नं ४ पिपलचौरमा व्यापक क्षति भएको छ । गएराति आएको वर्षाले पिपलचौरमा रहेको जनता प्राविको ६ कोठे भवण र स्थानीय वलवहादुर रावल र सर्वजीत परियारको घर पुरै पुरेको स्थानिय मदन रावलले वताए । वाढीले पिलचौरमा रहेको सयौ मुरी धान फल्ने खेतहरुमा रोपिएको धान नष्ट गरेको छ । विद्यालय भित्र रहेको कुनै पनि सम्पती वचाउन नसकेको रावलले वताए । विद्यालय भवन वाढीले वगाए संगै विद्यार्थीहरु कहाँ वढ्ने भन्ने चिन्ता वढेको छ ।