ठाउँ ठाउँमा पहिरो जाँदा सयौं यात्रु अलपत्र
शुक्रबार, १७ असार २०७३, १५ : ४३
काठमाडौं, १७ असार । शुक्रबार बिहानैदेखिको अविरल वर्षाका कारण सिस्नेरीबाट काठमाडौंतर्फको एक किलोमिटर वरको सडकखण्डमा तीन ठाउँमा पहिरो गएको छ ।
यसैगरी, सिस्नेरीबाट हेटौंडा जाने सडकखण्डमा दुई ठाउँमा पहिरो जाँदा आवागमन ठप्प भएको छ ।
आवागमन ठप्प हुँदा दुबै सडकखण्डका सयौं यात्रुहरु अलपत्र परेका छन् । निरन्तरको वर्षाका कारण पहिरो हटाउने कुनै सम्भावना नरहेको प्रहरीले जानकारी दिएको छ ।