बाबुरामको नयाँ शक्तिमा ७ सय तेस्रोलिंगी
बुधबार, २२ असार २०७३, १५ : ४२
काठमाडौं– सात सय यौनिक तथा लैंगिक अल्पसंख्यक समूदायले बाबुराम भट्टराई नेतृत्वको नयाँ शक्ति नेपाल पार्टीको सदस्यता लिएका छन् ।
नील हिरा समाजकी अध्यक्ष एवं नयाँ शक्ति नेपालकी सचिवालय सदस्य पिंकी गुरुङले ७ सय समलिंगी तेस्रोलिंगीले पार्टीको सदस्यता लिएको जानकारी दिइन् । नर्वेजियन दूतावासको सहयोगमा नील हिरा समाज, नौलो विहानी र परिवर्तन नेपालले पोखरामा गरेको अन्तक्रियामा अध्यक्ष गुरुङले समूदायको मुद्धा राजनीतिक रुपमा स्थापित गर्नका लागि नयाँ शक्तिमा लागेको वताइन् ।