आँखु खोला जलविद्युतको साधारण सेयर आउने
बिहीबार, २३ असार २०७३, १२ : ४०
काठमाडौ–आँखु खोला जलविद्युत कम्पनीले साधारण सेयर (आइपिओ)निष्कासन गर्ने तयारी गरेको छ । कम्पनीले धितोपत्र बोर्डमा यस विषयमा आवेदन दिएको जनाएको छ । कम्पनीले प्रतिकित्ता १०० रूपैयाँ अंकित दरका ८ लाख कित्ता साधारण सेयर जारी गर्ने जनाएको हो । कम्पनीका अनुसार यो ८ करोड रूपैयाँ बराबरको साधारण सेयर हो । वोर्डले साउनमा मात्रै कम्पनीले सेयर निष्काशनका लागि अनुमति पाउने जनाएको छ । कम्पनीले धादिङको लापा र सेर्तुङ गाविसमा तातोपानी खोला र म्यानचेट खोलालाई मिलाएर २५.४ मेगावाट विद्युत उत्पादन गर्नेगरी आयोजना निर्माण गरिरहेको छ ।