‘बिरामी शशांकले देउवालाई नमस्कार गर्दै बोल्न खोजे’
बिहीबार, २३ असार २०७३, २२ : ३८
काठमाडौँ – अस्वस्थ्य भई ओम अस्पतालमा उपचारार्थ नेपाली काँग्रेसका महामन्त्री डा शशाङ्क कोइरालाको स्वास्थ्य अवस्थामा निकै सुुधार आएको छ । उनमा चेतना आएको र स्वास्थ्य अवस्था स्थिर रहेको अस्पतालको विज्ञप्ति उद्धृत गर्दै पार्टीले जनाएको छ । महामन्त्री डा कोइरालाको स्वास्थ्य स्थितिबारे जानकारी लिन काँग्रेसका सभापति शेरबहादुर देउवा पुनः आज साँझ अस्पताल पुगेका थिए ।
सभापति देउवालाई डा कोइरालाले उठेर नमस्कार गर्दै बोल्न खोजको काँग्रेस केन्द्रीय कार्यालयका मुख्य सचिव कृष्णप्रसाद पौडेलले आज साँझ प्रेस विज्ञप्तिमार्फत जानकारी दिए ।