पानीको भाँडोमा डुबेर बालकको मृत्यु
शनिबार, ०१ साउन २०७३, १८ : ४०
गौर ,तहट - रौतहटको लक्ष्मिनिया गाविसमा पानीको भाँडोमा डुबेर आज एकजना बालकको मृत्यु भएको छ ।
लक्ष्मिनियास्थित आफनो मामाघर आएका गम्हरिया गाविस–२ का जहुर मियाका डेढ वर्षीय छोरा बाबुदिन मियाको भाँडोमा रहेको पानीमा डुबेर मृत्यु भएको हो ।
लक्ष्मिनिया–५ का मामा जौहार मियाको घरमा मिठाइ बनाउनका लागि राखिएको भाँडामा डुबेर उक्त बालकको मृत्यु भएको हो । वर्षाको पानीले भरिएको भाँडोमा खेल्ने क्रममा आज बिहान ९ः३० बजे बालक मियाको डुबेर मृत्यु भएको छ ।
खेल्दाखेल्दै भाँडोमा पसेर अचेत भएका बालकको उपचारका लागि लगिरहेको अवस्थामा बाटोमै मृत्यु भएको जिल्ला प्रहरी कार्यालय रौतहटले जनाएको छ । रासस