खाल्डोमा डुवेर एक बालकको मृत्यु
सोमबार, १७ साउन २०७३, १६ : ४१
राजविराज, १७ साउन – सप्तरीको लालापट्टि गाविसका एक वालकको खाल्डोमा डुवेर सोमवार मृत्यु भएको छ ।
वडा नं. ७ वस्ने मुर्सिद मियाको १८ महिनाको छोरा जसिस मियाँको खाल्डोमा डुवेर मृत्यु भएको जिल्ला प्रहरी कार्यालयका प्रहरी उपरिक्षक भिमप्रसाद ढकालले जानकारी दिएका छन् ।
उनका अनुसार जसिसको ट्युवेलको पानी जमेर बनेको खाल्डोमा डुवेर मृत्यु भएको हो ।
खाल्डोमा डुवेर वेहोस भएको जसिसलाई उपचारका लागि राजविराज स्थित गजेन्द्र नारायण सिंह सगरमाथा अञ्चल अस्पताल ल्याउने क्रममा बाटैमा मृत्यु भएको छ ।
घटना बारे थप अनुसन्धान भइरहेको प्रहरीले जनाएको छ ।