आद्योगिक प्रतिष्ठान बन्द गर्ने माओवादी घोषणा
सोमबार, १७ साउन २०७३, १६ : ५६
काठमाडौँ – नेकपा माओवादी निकट मजदूरहरुले साउन २३ गते औद्योगिक प्रतिस्ठान बन्द गर्ने घोषणा गरेका छन् ।
नेपाल बन्दको क्रममा गिरफ्तार संगठनका सचिव भानुभक्त आचार्य र नविन विष्टलाई रिहाईको माग गर्दै अखिल नेपाल क्रान्तिकारी ट्रेड यूनियन महासंघले आन्दोलनका कार्यक्रम सार्वजनिक गरेको हो ।
सोमबार संवाद डबलीमा आयोजित पत्रकार सम्मेलनमा बोल्दै महासंघका उपत्यका ब्यूरो संयोजक शंकर अधिकारीले रिहाई गर्न पकटपकट प्रहरी प्रशासनसँग माग गर्दा पनि झुट्टा मुद्धा लगाएकाले संघर्षमा जानु परेको बताए ।
कार्यक्रममा बोल्दै महासंघका केन्द्रीय अध्यक्ष योगेन्द्र कुमालले नेपाल बन्द राजनीतिक मुद्धा भएको बताउँदै सो क्रममा गिरफ्ता सबैलाई विना सर्त रिहाई गर्नुपर्ने बताए ।
संगठनले साउन १८ गते प्रचारप्रसार, १९ गते तिनकुनेमा जनप्रर्दशन, २० गते बबरमहलमा जनप्रर्दशन, २१ गते उपत्यकाव्यापी कोणसभा गर्ने समेत जनाएको छ ।