बुम रेमिट्यान्सले गर्यो दुई बैंकसँग रेमिट सम्झौता
सोमबार, १७ साउन २०७३, १७ : ५१
काठमाडौ–बुम रेमिट्यान्स प्रालि र सेवा बिकास बैक तथा मुक्तिनाथ बिकास बैकवीच रेमिट्यान्स कारोवारका लागि सम्झौता भएको छ । बुम रेमिट् मार्फत नेपालीले विदेशबाट पठाएको रकम सेवा बिकास बैक र मुक्तिनाथ बिकास बैकले आफ्नो शाखाहरु मार्फत भुक्तानी गर्नेगरि यस्तो सम्झौता भएको हो ।
सम्झौतामा बुम रेमिट्यान्सको तर्फबाट प्रबन्ध निर्देशक धिरेन्द्र पन्त, सेवा बिकास बैकको तर्फबाट प्रमुख कार्यकारी अधिकृत महेश प्रसाद काफ्लेले र मुक्तिनाथ बिकास बैकको तर्फबाट प्रमुख कार्यकारी अधिकृत भरत राज ढकालले सम्झौता पत्रमा हस्तक्षर गरेका छन् ।
बुम रेमिट्यान्सको नेपालमा ७५ वटै जिल्लामा एक हजार ५ सय भन्दाबढी सब–ऐजेन्टहरु छन् । बुम रेमिट्यान्सले खाडी मुलुकबाट रेमिट्यान्सको कारोवार गर्दै आएको छ । केही समयपछि मलेसिया, कोरिया, जापान, क्यानडा, अस्टे«लिया, युरोप, अमेरिकाबाट समेत कारोवार सुरु गर्ने कम्पनीले जनाएको छ ।