रियो डि जेनेरियो । ब्राजिलको महिला रग्बी खेलाडी इसादोर सेरुलो ओलम्पिककी पदक बिजेता त भइनन् तर उनले आफ्नो जीवनको महत्वपूर्ण पाटोको युद्ध भने ओलम्पिककै प्राङ्गणमा जितिन् । खेल पछिको पदक वितरण समारोहको क्रममा इसादोरालाई उनकी प्रेमिकाले प्रेम प्रस्ताव गरिन् जसलाई उनले स्विकार गरेकी छिन् । सन् २००३ देखि समलिङ्गी विवाह वैधानिक भएको देश ब्राजिलका इसादोरा र उनकी प्रेमिका मार्जिओरी एन्याले एक अर्कालाई प्रस्ताव पछि चुम्बन गरे । २५ वर्षकी एन्या रियो ओलम्पिककी स्टेडियम म्यानेजर हुन् । इसादोराको प्रेम प्रस्ताव मार्जिओरीले स्विकार गरेपछि उनले औंठी तत्काल नभएका कारण रिंग फिंगरमा रिबनको टुक्रा बाँधिदिएकी छिन् । त्यहाँ उपस्थित सबै मानिसहरुले उनीहरुको यो पललाई आफ्नो क्यामरामा कैद गरे र उनीहरुको प्रेमलाई जोडतोडका साथ स्वागत गरे ।

MY HEART!!! Volunteer Marjorie Enya kisses rugby player Isadora Cerullo after proposing ? ? ? ‘जब मलाई उनी ओलम्पिकमा छिन् भन्ने थाहा भयो तब मैले हाम्रो प्रेमलाई विशेष बनाउनु पर्छ भन्ने सोचें,’ एन्याले भनिन् । ‘मलाई थाहा थियो रग्बी खेलाडीहरु गज्जबका हुन्छन् र उनीहरुले हाम्रो प्रेमलाई सहृदय स्विकार्छन् ।’ यी जोडी विगत दुई वर्षदेखि एक अर्काको सम्बन्धमा छन् । प्रस्ताव पछि मार्जिओरी भन्छिन्, ‘उनी मेरो जिन्दगी हुन् । प्रेमको सधैं जीत हुन्छ, म मानिसहरुलाई यही कुरा बताउन चाहन्छु ।’ सेरुलो उत्तर क्यारोलिनामा हुर्किएकी हुन् । उनको ब्राजिल र अमेरिकाको दोहोरो नागरिकता छ ।