शारदा नदीले बगाउँदा एकको मृत्यु
मङ्गलबार, ३२ साउन २०७३, १० : २१
सल्यान– सल्यानमा शारदा नदीले बगाउँदा एकजनाको मृत्यु भएको छ । वागचौर नगरपालिका–२ शेराचौर घर भएका ६१ वर्षीय कुलबहादुर वलीलाई नदीले बगाउँदा मृत्यु भएको जिल्ला प्रहरी कार्यालयले जनाएको छ ।
वागचौर नगरपालिका–८ कोटवाराबाट घर फर्कने क्रममा सोमबार साँझ बगाएर बेपत्ता बनाएको थियो । बेपत्ता भएसँगै इलाका प्रहरी कार्यालय थारमारेबाट गएको टोलीले र स्थानीयवासीले खोजी सुरु गरेका थिए ।
बेपत्ता भएका वलीको शव मङ्गलबार बिहान वाँझकाँडा गाविसको ज्यामिरेमा फेला परेको इलाका प्रहरी कार्यालय थारमारेका प्रहरी सहायक निरीक्षक पर्शुराम चौधरीले जानकारी दिए ।