आज पनि बजार अनुगमन, बजार नियमित अनुगमन गर्नुपर्ने व्यवसायीहरुकै जोड
काठमाडौँ–चाडबाडको समयमा मात्रै नभई उपभोग्यवस्तु बजार नियमित अनुगमन गर्नुपर्ने व्यवसायीहरु स्वयम्ले बताएका छन् ।
आपूर्ति व्यवस्थापन तथा उपभोक्ता हित संरक्षण विभाग, खाद्य संस्थान र राष्ट्रिय उपभोक्ता मञ्चले संयुक्तरुपमा गरेको अनुगमनका क्रममा आज व्यवसायीले अनुगमनलाई नियमित गर्न सके उपभोक्ता र व्यवसायी दुई पक्षलाई नै फाइदा हुने बताएका हुन् ।
अनुगमन टोलीले आजै उपभोक्ताको हित विपरीत रहेको बालाजु औद्योगिक क्षेत्रमा रहेको चार हजार बोरा डिडिसी पाउडर (धुलो) दूधलाई सिल गरेको छ ।
टोलीले पाटनस्थित तिमिल्सिना खाद्य स्टोरमा बढी मूल्य लिई उपभोक्तालाई ठगी गरेको भेटिएकाले सो स्टोर बन्द गरिदिएको छ । त्यस्तै टोलीले खान उपयुक्त नभएको ४६३ किलो आज मासु बरामद गरी नष्ट गरेको छ । गोँगबु, सामाखुसी र गल्कोपाखा इलाकामा ५० ग्रामका झण्डै २५ प्याकेट मसला जफत गरी त्यस्ता सामान बिक्रीवितरण तत्काल रोक्न विभागले निर्देशन दिएको छ ।
अधिकांश पसलमा मूल्यसूची र पसलको नाम समेत राखेको नदेखिएकाले तीन दिनभित्र विवरण लिएर बिभागमा आउन निरीक्षक अधिकृत ढुण्डीराज पोखरेलले निर्देशन दिए ।