अत्याधिक ज्वरोबाट एक वृद्धको मृत्यु
बिहीबार, ०२ भदौ २०७३, १३ : २५
सल्यान–सल्यानमा अत्याधिक ज्वरोबाट एक वृद्धको ज्यान गएको छ ।
सल्यान मुलखोला गाउँ विकास समिति वडा नं. १ देउलीका ५० वर्षिय मोतिराम बुढाको अत्याधिक ज्वरोका कारण बुधबार ज्यान गएको हो । एक सातादेखि ज्वरो आउने, टाउको दुख्ने, आँखा पोल्ने, हातखुट्टा खदुख्ने जस्ता समस्याबाट पिडित बुढाको बुधबार घरमै मृत्यु भएको पारिवारिक स्रोतले जानकारी दिएको छ ।
स्थानीय मेडिकल तथा स्वास्थ्य चौकीमा उपचार गरेपनि सन्चो नभएको र आर्थिक अवस्था कमजोर भएका कारण अन्य अस्पतालमा लैजाना नसक्दा बुढाको मृत्यु भएको स्थानीय हिरालाल रानाले जानकारी दिए ।
बुढाको मृत्यु भएसँगै उनका २ छोरा र २ छोरीको विचल्ली हुने भएको छ । आमा अशक्त हुँदा काम गर्न नसक्ने र चारैजना साना भएका कारण उनीहरुको बिचल्ली हुने भएको हो ।