काठमाडौं– नेविसंघ निर्वाचनको मतगणनाका क्रममा प्रदेश नम्बर ६ को बुथमा बढी मतसंख्या भेटिएपछि विवाद भएको छ । मतगणनाका क्रममा मध्यपश्चिम विश्वविद्यालयको २० जना मतदाता रहेकोमा ६ भोट बढी अर्थात २६ भोट भएपछि विवाद उत्पन्न भएको हो । ६ नम्बर प्रदेशबाट सहमहामन्त्रीका उम्मेद्वार विवेक आचार्यले ६ भोट बढी पाइएको बताए । तर निर्वाचन अधिकृत भरत खरेलले भने उक्त बढी ६ भोट च्यातिदिएको बताइएको छ । सोहि कारणले गर्दा विद्यार्थीहरुले विरोध गर्दै ६ नम्बर प्रदेशको पुन निर्वाचन हुनुपर्ने माग राखेका छन् । जसका कारण मतपरिणाम घोषणा अन्योलमा परको छ ।