प्रेस सेन्टर नेपाल ललितपुरको अध्यक्षमा कार्की
शुक्रबार, ०३ भदौ २०७३, १६ : ०४
ललितपुर– प्रेस सेन्टर नेपाल ललितपुरको एकता भेलाबाट रामहरी कार्कीको अध्यक्षतामा १७ सदस्यीय नयाँ कार्यसमिति चयन गरिएको छ । शुक्रबार ललितपुरमा भएको एकता भेलाबाट नयाँ कार्यसमितिको चयन भएको हो ।
नयाँ कार्यसमितिको उपाध्यक्षमा अर्जुन पन्त, मन्दिरा दुलाल, प्रकाश थापा मगर र श्याम तन्डुकार रहेका छन् भने विमल श्रेष्ठ सचिव रहेका छन् । यस्तै सहसचिवमा फातिमा बानू र शिव ढकाल रहेका छन् भने कोषाध्यक्ष गोपाल आले मगर रहेका छन् ।
सदस्यहरुमा अनिल पाण्डे, शिशिर लामा, केशव, सिता बिक, किरण रजग, अम्बर परियार र पवन पराइली रहेका छन् । भेलाले ५० जना केन्द्रीय पार्षद समेत चयन गरेको छ । एकता भेलामा माओवादी केन्द्रकी प्रवक्ता पम्फ भुसाल पोलिटब्यूरो सदस्य हरि दाहाल, राजकाजी महर्जनलगायतको सहभागिता रहेको थियो ।