नगद लाभांश अब बैक खातामा जम्मा गर्नुपर्ने
काठमाडौ–नेपाल राष्ट्र बैंकले बैंक तथा बित्तीय संस्थाले प्रदान गर्ने नगद लाभांश तथा सार्वजनिक निस्कासन (आपिओ, एफपिओ) भन्दा नपरेको रकम पनि अनिवार्य बैंक खातामा जम्मा गर्नुपर्ने व्यवस्था गरेको छ । राष्ट्र बैंकले सूचना जारीगरि यस्तो व्यवस्था लागु गर्न निर्देशन दिएको हो । राष्ट्र बैंकले क, ख र ग बर्गका बैंक तथा बित्तीय संस्थालाई निर्देशन जारी गर्दे अव सेयरधनीलाई प्रदान गर्ने नगद लाभाशं र सार्वजनिक निस्कासन (आइपिओ, एफपिओ) को क्रममा लगानीकर्ताले माग गरेबमोजिम सेयर प्रदान गर्न नसकेको खण्डमा त्यस्तो रकम फिर्ता गर्दा दरखास्त फाराममा उल्लेख भएको खातामा जम्मा गर्नुपर्ने व्यवस्था गरेको हो । यसअघि बैंक तथा बित्तीय संस्थाले प्रदान गर्ने नगद लाभाशं तथा सेयर नपरेको रकम सम्वन्धीत संस्थामा बोलाएर दिने व्यवस्था थियो । केन्द्रिय बैंकले सेयरधनी तथा लगानीकर्तालाई सहजताका साथै आर्थिक अनुसाशनका लागि यस्तो व्यवस्था गरेको जनाएको छ । यसवाट अव सेयरधनी र लगानीकर्ताले त्यस्तो रकम लिन बैंक तथा बित्तीय संस्थामा धाउन समेत नपर्ने भएको छ । विगतमा बैंक तथा बित्तीय संस्थाले दिने थोरै नगद लाभाशंका लागि पनि सेयरधनी सम्वन्धित संस्थामा पुग्नुपर्ने वाध्यता थियो । बिगतमा ५ लाखभन्दा वढीको रकम भुक्तानी गर्दामात्र बैंक खातामा जम्मा हुने गरेको थियो । त्योभन्दा कम रकम नगद वा बैंक खातामा जम्मा गरेपनि हुने अवस्था थियो । यो व्यवस्था लागु भएपछि भने सबै बैंक तथा बित्तीय संस्थाले अनिवार्य रुपमा बैंक खातामै रकम भुक्तानी गर्नुपर्ने भएको छ । राष्ट्र बैंकले केही समयपछिवाट अन्य बित्तीय संस्थामा समेत यो व्यवस्था लागु हुने जनाएको छ । अहिले तोकिएका भन्दा फरक संस्थामा केही समयपछि यो व्यवस्था लागु हुने जनाएको छ ।