पञ्चकन्या ग्रुपले आफ्नो संस्थागत सामाजिक उत्तरदायित्व अन्तर्गत मकवानपुर जिल्ला हाँडिखोला गाविस वडा नं.७ स्थित पम्फा वनकरियालाई उच्च शिक्षा अध्ययन गर्नको लागि आर्थिक सहयोग स्वरुप एक लाख रुपैयाँ सहयोग प्रदान गरेको छ ।

लोपुन्मुख र पिछडिएको वनकरिया जातिमा पर्ने छात्रा पम्फाले २०७२ सालको एसएलसी परीक्षा दिई सो जातिबाटै पहिलो पटक एसएलसी परीक्षा पास गर्ने छात्रा भएकी छन् । पम्फालाई एसएलसी परीक्षा उत्तीर्ण गरेपश्चात् उच्च शिक्षा अध्ययनको लागि आर्थिक अभाव देखिएको र हाल उनी प्राविधिक शिक्षा अध्ययन गर्ने इच्छाले नवलपरासी स्थित कालिका मेडिकल एण्ड टेक्निकल कलेजमा छात्रवृत्तिको लागि प्रवेश परीक्षा दिंदा वैकल्पिकमा मात्र नाम निस्केकोले सहयोग गरेको कम्पनीले जनाएको छ ।

उनलाई छात्रवृत्तिको कुनै सुनिश्चितता नभएको र सरकारले पनि म जस्तो पिछडिएको समुदायलाई सहयोग नगरेको दुखेसो समेत पोखिन । यस्तो परिस्थितिलाई मध्यनजर गर्दै पञ्चकन्या ग्रुपका कार्यकारी निर्देशक श्री उज्ज्वलकुमार श्रेष्ठले लोमुन्मुख जातिको उत्थान तथा गरिबीको कारण पढ्नबाट बञ्चित पम्फा वनकरियाको लागि आर्थिक सहयोग उपलब्ध गराएको बताए ।