शाहिद कपुर बने छोरीको पिता
शनिबार, ११ भदौ २०७३, ११ : ५९
शाहिद कपुर र मिरा राजपुतले आफ्नो पहिलो सन्तानको रुपमा छोरीलाई स्वागत गरेका छन् ।
मिराले हिन्दुजा हेल्थकेयर सर्जिकल अस्पतालमा शुक्रबार बेलुकी ७ बजेर ५६ मिनेटमा प्राकृतिक तरिकाले छोरीलाई जन्म दिएकी हुन् ।
मिरालाई बिहिबार बेलुकादेखि अस्पताल भर्ना गराइएको थियो । श्रीमान् शाहिद कपुरले मिरालाई एकछिन पनि छोडेनन् ।
छोरीको जन्म भएपछि शाहिदले ट्वीटरमार्फत सो कुराको जानकारी दिएका थिए । उनले लेखेका छन्, ‘उनी आइपुगिन् । खुसी व्यक्त गर्न शब्दहरु अपर्याप्त छन् । कामनाका लागि सबैलाई धन्यवाद ।’
She has arrived and words fall short to express our happiness. Thank you for all your wishes.
— Shahid Kapoor (@shahidkapoor) August 26, 2016