शाहिद बुवा बनेपछि पूर्व प्रेमिका करिनाले यसो भनेर सबैलाई पारिन् चकित
बिहीबार, १६ भदौ २०७३, १० : ३२
बलिउडका चर्चित अभिनेता शाहिद कपुर र मिरा राजपुत बुवा–आमा बनेपछि उनीहरुलाई बधाइको ओइरो लागेको छ । मिडियाको नजरबाट बच्दै शाहिदले आफ्नी छोरीलाई घर भित्र्याइसकेका छन् ।
छोरी जन्मिएपछि शाहिदलाई उनका प्रशंसक, हितैशी, साथीभाइहरुले बधाइ दिएका छन् । कतिले ट्वीटरमार्फत बधाई दिएका छन् भने कतिले अस्पतालमा गएर र कति भने उनको घरमा नै पुगेका छन् । बधाइ दिने सूचिमा उनकी पूर्व प्रमिका करिना कपुर पनि समावेश भएकी छिन् । स्रोतका अनुसार शाहिद बुवा बनेको खबर पाएपछि करिनाले उनलाई मेसेजमार्फत बधाइ दिएकी छिन् । यता शाहिदले पनि उनलाई ‘धन्यवाद’ भनी जवाफ फर्काए ।
बलिउडमा यस्तो घटना विरलै हुने गर्छ तर करिनाले शाहिदलाई बुवा बनेकोमा बधाई दिएर सबैलाई चकित बनाएकी छिन् ।
शाहिदलगायत उनकी आमा नीलिमा अजीमले पनि सबै प्रशंसकहरुलाई धन्यवाद दिएकी छिन् ।