न्युयोर्क – न्युजिल्याण्डको एयर न्युजिल्याण्ड विश्वको उत्कृष्ट एयरलाइन्स घोषित भएको छ । एयरलाइन रेटिङ डटकमले वार्षिक रुपमा दिने एयरलाइन एक्सिलेन्स अवार्डमा एयर न्युजिल्याण्डले लगातार चौँथो पटक कब्जा जमाएको हो ।

उत्कृष्ट क्याबिन क्रुको अवार्ड भर्जिन अस्ट्रेलिया र भर्जिन एटलाइन्टिकले हात पार्यो ।

त्यस्तै, उत्कृष्ट बिजनेस क्लासको उपाधि पनि भर्जिन अस्ट्रेलियाले नै जितेको छ ।

एमिरेटस् एयरलाइन्सले जहाजमा उत्कृष्ट मनोरञ्जनको साधन भएको एयरलाइनसको उपाधि जितेको छ ।

यता, उत्कृष्ट डोमेस्टिक एयरलाइन्स सर्भिसमा क्वान्टास विजेता घोषित भयो । त्यस्तै उत्कृष्ट लाउन्ज तथा क्याटरिङमा पनि यही एयरलाइन्सको वर्चश्व रह्यो ।

त्यसैगरी लामो दुरीको यात्रामा एसियामा सिंगापुर एयरलाइन्स तथा अमेरिकामा डेल्टाज एयरलाइन्स उत्कृष्ट ठहरिए ।