१० सेकेण्डमा यसरी ध्वस्त भए १९ भवन (भिडियो)
सोमबार, १० माघ २०७३, १८ : ११
वुहान – चीनमा शुक्रबार १० सेकेण्डको अन्तरालमा १९ वटा भवनलाई ध्वस्त बनाइएको छ ।
चिनियाँ सहर वुहानमा रहेका १२ तल्ला भएका १९ भवनवटा भवनहरुलाई नयाँ संरचना बनाउनका लागि विस्फोटक पदार्थहरु लगाएर भत्काइएको हो ।
त्यसक्षेत्रमा अब व्यवसायिक भवन तथा एउटा ७ सय ७ मिटर अग्लो गगनचुम्बी भवन बनाउने बताइएको छ ।
करिब १५ सय स्वेकर फिटमा फैलिएको ती भवनहरु विस्फोटपछि १० सेकेण्ड भित्र जमिनमा मिलेका थिए ।
हनाकोउ विनजियाङ स्टेट अन्तरगत रहेका उक्त भवनहरुलाई हप्तौँ अघि खाली गराइएको थियो ।
उक्त भवनहरु भत्काउन विभिन्न स्थानमा ५ टन बराबरको विस्फोटक पदार्थ प्रयोग गरिएको थियो ।
चिनियाँ एकाडमी अफ इन्जिनियरिङ वाङ सुगुआङका अनुसार चीनमा पहिलो पटक यो प्रविधिको प्रयोग गरिएको हो । यसबाट निर्माण कम्पनीको ४ महिना जोगिएको उनले बताए ।