बार्सिलोना कोपा डेल रेको सेमिफाइनलमा
शुक्रबार, १४ माघ २०७३, ११ : ५४
बार्सिलोना – म्यान्चेस्टर सिटीका पूर्व खेलाडी डेनिस सुवारेजको दुई गोलको मद्दतले रियल सोसिडाडलाई हराउँदै बार्सिलोना कोपा डेल रेको सेमिफाइनलमा प्रवेश गरेको छ ।
दोस्रो लेगमा ५–२ को जीत निकाल्दै बार्सिलोना कप प्रतियोगिताको अर्को चरणमा प्रवेश गरेको हो ।
पहिलो लेगमा १–० को अग्रता बनाएको बार्सिलोनका लागि सुवारेजले खेलको १७ औँ मिनेटमा गोल गर्दै बार्सिलोनाको अग्रता दोब्बर बनाए ।
खेलको दोस्रो हाफमा उनले अर्को गोल थपे भने लियोनेल मेस्सी, लुइस सुवारेज र आड्रा टुरानले एक एक गोल गरे ।
सोसिडाडका लागि जुनामी र विलायन जोसेले एक–एक गोल गरे ।
बार्सिलोनाले प्रतियोगिता किर्तिमानी २८ पटक जितेको छ र यसको सेमिफाइनलमा पुगेको यो लगातार सातौँ सिजन हो ।
रियल म्याड्रिड भने प्रतियोगिताबाट बाहिरिसकेको छ । सेमिफाइनलमा एथ्लेटिको म्याड्रिड, सेल्टा भिगो र आलाभेज पुगेका छन् ।