पराजयबाट जोगियो बार्सिलोना, दोस्रो स्थानमा उक्लियो
आइतबार, १६ माघ २०७३, १८ : ५४
बार्सिलोना – स्पेनिस ला लिगामा डिफेन्डिङ च्याम्पियन बार्सिलोनाले हारबाट जोगिँदै रियल बेटिससँग बराबरी खेलेको छ ।
आइतबार सम्पन्न खेलमा लुइस सुवारेजले खेलको अन्तिम मिनेटमा गोल गर्दै बार्सिलोनालाई हारबाट जोगाएका हुन् । सुवारेजको गोलको मद्दतले बार्सिलोनाले महत्वपूर्ण एक अंक बटुल्न सफल भएको छ ।
यसअघि एलेक्स अल्गेराको गोलको मद्दतले बेटिसले खेलमा अग्रता लिएको थियो ।
बेटिसले निकै तीव्र गतिको खेल प्रदर्शन गर्दै बार्सिलोनामाथि निकै दबाब बनाएको थियो ।
बराबरीसँगै २० खेलबाट ४२ अंक सहित दोस्रो स्थानमा रहेको छ ।
शीर्ष स्थानमा रहेको रियल म्याड्रिडभन्दा १ अंकले पछि हो । तर, रियलले २ खेल कम खेलेको छ ।