एक्सक्लुसिभ स्टोरी
युनिकोड
मिति रूपान्तरण
फिल्म सुटिङमा यसरी सहभागी हुन्छन् ओली
माइतीघरबाट ओली र घिमिरेले सार्वजनिक गरे ‘इतिहासकै ठूलो झण्डा’
कार्यक्रममा ओलीले आफनो पार्टीले राष्ट्रवादी अडान लिएको उल्लेख गर्दै त्यसमा अन्य दलहरुलाई पनि साथ दिन आग्रह गरेका थिए । उनले जनता राष्ट्रवादी भएको र केही संकीर्णवादीहरुले देशलाई नोक्सान पु¥याउन खोजेको भन्दै आक्रोश पनि व्यक्त गरेका थिए । नेपाली युवाहरुमा देशभक्तिको भावना जागृत भइसकेको भन्दै खुसी पनि व्यक्त गरेका थिए कार्यक्रममा ।
देख्दा नियमित र स्वभाविक लाग्ने यो कार्यक्रम चाहीँ भिन्दै प्रयोजनका लागि आयोजना गरिएको थियो । सुन्दा अचम्म लाग्छ । तर, सत्य यही हो । कार्यक्रम फिल्मको स्क्रिप्टककै भाग थियो । त्यही कारण चर्चामा नआएको संस्था कार्यक्रमको आयोजक बनाइएको थियो । अहिले ‘राष्ट्रवादी’ नेताका रुपमा एमालेभित्र ओलीलाई प्रचार गरिएको छ । र यही मौकामा ओलीलाई ‘राष्ट्रवादी’ नेताका रुपमा प्रस्तुत गर्न फिल्म बन्दैछ । फिल्ममा चाहिने केही दृष्यका लागि ओलीलाई कार्यक्रममा सहभागी बनाइन्छ । अहिले ओलीमाथि बन्न थालेको फिल्म हो – रातो सूर्य, जसको शुभ मुहर्त मंसिर २८ मा भएको थियो । शुभ मुहर्त गर्न पुगेका ओली मेकअपसहित फिल्मी शैलीमा कार्यक्रमको मध्यभाग उपस्थित भएका थिए ।केपी ओलीको जीवनमा आधारित ‘रातो सुर्य’को मुर्हत
ओली आफैले अन्तर्वार्ता दिँदै मुर्हत सट दिएका थिए, जसको निर्देशन एमाले नेता प्रदीप ज्ञवालीले गरेका थिए । र्काक्रममा सचिव ज्ञवालीले केपी ओलीको जीवन तीन घण्टाको फिल्ममा देखाउन नसकिने भन्दै बाल्यावस्था, जेल जीवन र उनले प्रधानमन्त्री हुँदा बाँडेका सपनालाई चलचित्रमा नछुटाउन नै आग्रह गरेका थिए ।
झन्डै एक महिनादेखि फिल्म युनिटको क्यामरा ओलीसँगै कार्यक्रममा पुगेको हुन्छ । फिल्ममा १८ देखि ४५ बर्षसम्म उमेरको कलाकारले ओलीको भूमिका निभाउनेछन् भने ४६ देखि अहिलेसम्मको भूमिकामा ओली आफैले अभिनय गर्नेछन् । यो जीवनीपरक फिल्म हो । जसको मुख्य पात्र ओली छन् । पूर्वको आठराइको एक साधारण परिवारबाट उठेको ब्यक्तिका संघर्षका पाटाहरु फिल्ममा समेटिने छ । जसले पहिलेको समाजलाई पनि चिनेको छ र आजको अत्याधुनिक समाजलाई पनि चिनेको छ । सहिद दिवसका अर्को दिन राष्ट्रियतासँग जोडिएको अर्को कार्यक्रममा सहभागी भए ओली । टेकुस्थित पचली पुगेर ओलीले वीर बलभद्र कुँवरको शालिक अनावरण गरे । साढे ५ फिट उचाई र २०० केजी तौलको पित्तलको शालिक अनवरण गरिएको दृष्य फिल्म युनिटले क्यामारमा कैद गर्यो । शालिक बनाइएको कुँवर गोरखाली सेनाका एक क्याप्टेन थिए । र, विस १८१४ मा नालापानीको युद्धमा गोरखाली सेनाको नेतृत्व गर्दै लडेका थिए ।टेकुमा ठडियो वीर बलभद्र कुँवरको शालिक (फोटोफिचर)
यति मात्र होइन, गत मंसिर २२ मा एमालेसहितका विपक्षीले राजधानीमा शक्ति प्रर्दशन गरेको थियो । भव्य उपस्थिति बनाइएको यो कार्यक्रमबाट पनि फिल्म युनिटले केही दृष्य क्यामारमा कैद गर्यो । सूत्रका अनुसार त्यसदिन ड्रोन क्यामारा प्रयोग गरेर सहभागीहरुको आर्कषक दृष्य कैद गरिएको थियो, ताकि पछि फिल्ममा कथाले मागे अनुसार आवश्यक ठाँउमा जोडन सकियोस् ।
एमालेको शक्ति प्रर्दशनका रोचक १९ दृश्य
फिल्मवारे यस्ता छन् तथ्य
–पुर्व प्रधानमन्त्री तथा एमाले अध्यक्ष केपी ओलीका बिभिन्न पक्षलाई पर्दामा उतार्ने उदेश्यले ‘रातो सूर्य’ नामक फिल्म निर्माण थालिएको हो ।
–केपी ओलीकै अन्र्तवार्ताबाट शुभ–मुर्हत गरिएको फिल्म अहिले बिभिन्न स्थानमा छायाँकन भइरहेको छ ।
–फिल्मको लेखन तथा निर्देशन दीपेन्द्रप्रसाद दाहालको छ ।
–निर्मार्ता चाहीँ पुरन गिरी हुन् ।
–फिल्म तीन घण्टा अवधिको हुनेछ ।
–फिल्ममा विश्व बस्नेत, हरिहर शर्मा, सुरविर पण्डित, टिका पहाडी, धु्रब कोइराला, पवन खतिवडा, र केशव भट्टराईको अभिनय रहने छ ।
–फिल्मलाई विरेन्द्र प्रसाद शाहले छायांकन गरिरहेका छन् ।
–गोविन्द प्रभातले नृत्य तथा सानुकुमार महर्जनको द्वन्द्व फिल्ममा समेटिनेछ ।
–ओलीको १६ बर्षदेखि ४५ बर्षसम्मको भूमिका कलाकार अनुप शर्माले निर्बाह गरिरहेका छन् ।
–४५ बर्ष देखि ६५ सम्मको भुमिकामा ओलीले नै अभिनय गरिरहेका छन् ।
–शुभ मुर्हतमा निर्माणपक्षले फिल्म निर्माणमा दुई करोड बढी खर्च हुने बताएका थिए ।
फिल्ममा कुन–कुन घटना रहन्छन्
–आठराइको समाजमा जन्मिएका ओलीले सो समाजलाई भोग्दै त्यहाँबाट बसाईसराई गरेर झापा झरेपछिका विषय छन् ।
–राजनीतिमा लागेर २०२९ सालको नेपाल कम्न्युष्ट पार्टीको जिल्ला सचिव भएदेखिको आजसम्मको घटना फिल्मभित्र रहनेछ ।
–सुखानी घटना, राजनीतिमा लाग्दै गर्दा रौतहटबाट जेल परेको, जेलमा पाएको यातान, जेलमा उनले गरेका अध्यानका बिषय फिल्मका भाग हुनेछन् ।
–जीवन अगाडि बढाउन देखेका सपना, स्वस्थ्य समस्या, बिबाह पछिको प्रेमकथा, एमालेको नेतृत्व आउँदाको संघर्ष पनि फिल्ममा आउनेछ ।
–प्रधानमन्त्री हुदाँ बाँडेका सपना र आफैले नेतृत्व गरेको बहुमतको सरकार बनाएर ती बिकास सपनामा पुरा उनले गरेको अहिलको पहल फिल्ममा रहनेछ ।
फिल्म निर्देशक दीपेन्द्रप्रसाद दाहालको अन्तर्वार्ताफिल्ममा ओलीज्यूको भुमिका के छ ?
पचास बर्षको उमेर पछि राष्ट्रिय राजनीतिका उहाँले निर्बाह गरेको भुमिका फिल्ममा ओली आफैले अभिनय गर्नुहुनेछ ।
माईतीघर मण्डलामा १० मिटर अग्लो तथा साँढे ७ मिटर लामो राष्ट्रिय झण्डा फहराइयो, सोमबार टेकमा वीर बलभद्र कुँवरको शालिक पनि अनावरण गरिएको छ । ती विषय पनि समेटनुहुन्छ ?
झण्डा फहराइएको फिल्म भित्र रहन सक्छ । अरु अहिले हामीले कलेक्सन गरेका मात्र हौँ । हुनत ओलीका बिषयमा जुनै समयमा पनि लिएका बिषयबस्तु फिल्म भित्र रहन सक्छ । तर, अहिले हामीले उहाँलाई फलो गर्नुको कारण चाँही उहाँको शैलीलाई अझै नजिकबाट नियाल्ने र त्यसलाई फिल्म भित्र अझै ब्यवस्थित गर्ने कामका लागि हो ।
अर्काे कुरा, ओलीलाई राम्रा बिम्बहरु प्रयोग गर्ने राजनेताको रुपमा चिनिन्छ । साहित्यमा त बिम्ब प्रयोग हुन्छ । ओलीले त्यो भन्दा पनि बेजोडको बिम्ब राजनीतिमा प्रयोग गर्नुहुन्छ । उहाँले आफ्नो कुरा बुझाउन बिम्ब प्रयोग गर्नुुहन्छ । उहाँको बिम्ब कुन तहसम्म आउछ भन्नका लागि म पछि लागेको हो ।
अहिलेसम्म कहाँ कहाँ खिचिएको छ फिल्म ?
अहिलेसम्म गौर र इनरबारीमा खिचिएको छ । मिडियाको बीचमै मुर्हतमा पनि खिचिएको छ । मध्यतराइको आठ जिल्लामा त्यहाँको कुप्रथाको बारेमा खिचिएको छ । फिल्मको मुल दृश्य चाहीँ फागुनबाट मात्र सुरु हुन्छ ।
ओलीसँग अन्य पात्रका रुपमा को–को जोडिन्छन् ?
इतिहास हेर्न हो भने केपी ओलीसँग नजिकमा रहेका पात्र राधाकृष्ण मैनाली, झलनाथ खनाल लगायत छन् । ती सबै पात्र आउँछन् ।
फिल्म कहिले तयार हुन्छ ?
आगामी बर्षको दशै अगाडि फिल्म तयार गर्ने लक्ष्य हो मेरो । प्रदर्शनमा तिहारको सेरोफेरोमा आउँछ ।
फिल्मको कथाका लागि ओलीसँग कति बस्नु भयो ?
–त्यसको हिसाव नै छैन । कति बसियो बसियो ।
फिल्म निर्माण गर्न थालेपछि कस्तो प्रतिक्रिया पाउनुभएको छ ?
–धेरैले च्यालेन्ज दिइरहेका छन् । तपाईंले यस्तो ब्यक्तिको बिषयमा फिल्म बनाइरहनु भएको छ । बिगार्नु होला नि । बीर गणेशमान र स्वस्थानी जस्तो बिग्रेला है भन्ने गरेका छन् । नेपालमा यस्तो फिल्म बनाएर कसैले जस पाएका छैनन् । राम्रो काम गर्नु होला भन्ने गरेका छन् ।
खबर पढेर तपाईलाई कस्तो महसुस भयो ?
प्रतिक्रिया
लेखकको बारेमा
