मापसे गरेका श्रीमान्को कुटाईबाट श्रीमतीको मृत्यु
शनिबार, २२ माघ २०७३, १० : ४९
कैलाली– धनगढी उपमहानगरपालिका–२ सौराह स्थित लक्ष्मण खड्काको घरमा डेरा गरी बस्ने ३० बर्षीया लक्ष्मी भण्डारीलाई निजको श्रीमान् पर्शुराम भण्डारीले कुटपिट गर्दा मृत्यु भएको छ ।
पर्शुराम भण्डारीले शनिबार मादक पदार्थ सेवन गरी सामान्य बिबादका कारण कुटपिट गर्दा घाइते भएकी भण्डारीको सेती अञ्चल अस्पतालमा उपचारको क्रममा मृत्यु भएको थियो ।
कुटपिट गर्ने पर्शुराम भण्डारीलाई प्रहरीले नियन्त्रणमा लिएर अनुसन्धान गरिरहेको छ ।
यसैबिच धनकुटाको बुधबारे स्थित घुमाउने सामुदायिक बनमा लोड गरेको अवस्थामा २ थान भरुवा बन्दुक फेला परेको छ ।
शुक्रवार बेवारिसे अवस्थामा फेला परेको बन्दुक प्रहरीले बदामद गरेको छ ।
उक्त जंगल क्षेत्रमा चोरी सिकारी गर्ने उदेश्यले ७/८ जना मानिसहरु गईरहेको भन्ने सुचनाका आधारमा प्रहरी चौकी बुधबारेबाट खटिएको प्रहरी जंगल सर्च गर्न पुगेको थियो ।
प्रहरीलाई देखेपछि शिकारी फरार भएका थिए । चोरी सिकारी गर्ने उदेश्यले आएका मनिसहको खोजि भईरहेको प्रहरीले जनाएको छ ।