पुल्चोक इन्जिनियरिङ क्याम्पस सभापतिमा क्रान्तिकारीका थापामगर विजयी
बुधबार, १८ फागुन २०७३, १९ : ०१
ललितपुर - पुल्चोक इन्जिनियरिङ क्याम्पसमा भएको स्ववियु चुनावमा सभापतिमा माओवादी केन्द्र निकट क्रान्तिकारीका रोशन थापामगर निर्वाचित भएका हुन् ।
थापामगरले अनेरास्ववियुका सुदीप चालिसेलाई पराजित गरे । थापामगरको पक्षमा ६९७ र चालिसेको पक्षमा ४३५ मत खसेको थियो ।
सचिवमा ओम अधिकारी र कोषाध्यक्षमा प्रतिक न्यौपाने निर्वाचित भएका छन् । दुवै अनेरास्ववियुका हुन् ।
सदस्यहरुमा अर्जुन खतिवडा- अनेरास्ववियु, अदिती गजुरेल - अखिल क्रान्तिकारी, अस्मिता महरा - अखिल क्रान्तिकारी, नविन न्यौपाने -अखिल क्रान्तिकारी, सिर्जना भुसाल -अनेरास्ववियु , रमेश जोशी - अनेरास्ववियु, दिपक
सापकोटा -नेविसंघ निर्वाचित भएका छन् ।