भालुको आक्रमणबाट अर्घाखाँचीमा एकजनाको मृत्यु
बुधबार, २० पुस २०७९, ११ : ५६
अर्घाखाँची । अर्घाखाँचीमा भालुको आक्रमणबाट एक जनाको मृत्यु भएको छ । जिल्लाको शितगंगामा भालुले आक्रमण गर्दा शितगंगा नगरपालिका–२, झिर्रा ओखारी निवासी ७९ वर्षीय रामबहादुर भाट क्षेत्रीको मृत्यु भएको प्रहरीले जनाएको छ ।
उनलाई बुधबार बिहान ७ बजेको समयमा ओखारीको जंगलमा भालुले आक्रमण गरेको थियो । उनको शवलाई पोष्टमार्टमका लागि जिल्ला अस्पताल सन्धिखर्क लगिएको वडा अध्यक्ष रामबहादुर क्षेत्रीले जानकारी दिए ।