ट्याक्टरले किच्दा सहचालकको मृत्यु
बिहीबार, २१ पुस २०७९, ११ : ०१
पाल्पा । पाल्पा जिल्लाको पूर्वखोला गाउँपालिका–३, कमेरेमा ट्याक्टरले किच्दा सहचालकको मृत्यु भएको छ । मृत्यु हुनेमा पूर्वखोला–३, भालुकुन बस्ने २८ वर्षका सेते सारु रहेको प्रहरीले जनाएको छ ।
गए राति निस्दीबाट कच्ची भित्री सडक हुँदै पूर्वखोलातर्फ आउँदै गरेको लु ३ त ६२५९ नम्बरको ट्याक्टरले किच्दा सोही ट्याक्टरका सहचालक सारुको घटनास्थलमै मृत्यु भएको हो ।
ट्याक्टरको ट्रलीमा बस्नुभएका सारु एक्कासी खस्दा बाँयापट्टीको चक्काले किचेको पाल्पाका प्रहरी नायव उपरीक्षक वीरेन्द्र थापाले जानकारी दिए । घटनाको बारेमा थप अनुसन्धान कार्य भइरहेको उनले उल्लेख गरे ।