बैंकिङ कसूर मुद्दाका फरार प्रतिवादी पक्राउ
शनिबार, २३ पुस २०७९, १७ : ०३
बैंकिङ कसूर मुद्दामा सजाय ठहर भई फरार रहेका एक जना भक्तपुरबाट पक्राउ परेका छन् । भक्तपुर चाँगुनारायण नगरपालिका-४ ठेगाना भएका ३७ वर्षी गोकुल खनाललाई शुक्रबार दिउँसो प्रहरीले पक्राउ गरेको हो ।
उच्च अदालत पाटनको २०७८ वैशाख ७ गतेको फैसलाले २ दिन कैद, ५ लाख रूपैयाँ जरिवाना र पीडित राहत कोषमा २० हजार भराउने सजाय ठहर भई फरार रहेका उनलाई काठमाडौं उपत्यका अपराध अनुसन्धान कार्यालय मिनभवनबाट खटिएको प्रहरीले भक्तपुर चाँगुनारायण नगरपालिका-४ नारायणटारबाट पक्राउ गरेको थियो । उनलाई फैसला कार्यान्वयनका लागि जिल्ला अदालत भक्तपुरमा उपस्थित गराइएको छ ।