जहाज दुर्घटनाप्रति अध्यक्ष ओलीद्वारा दुःख व्यक्त
आइतबार, ०१ माघ २०७९, १४ : ०३
काठमाडौँ । नेकपा एमालेका अध्यक्ष केपी शर्मा ओलीले पोखरामा भएको विमान दुर्घटनाप्रति दुःख व्यक्त गरेका छन् ।
‘काठमाडौंबाट ६८ जना यात्रु लिएर पोखरा उडेको यती एयरलाइन्सको एएनसी एटीआर ७२ जहाज आज बिहान पोखरामा त्रासदीपूर्ण दुर्घटनामा परेको खबरलले अत्यन्त दुःखी छु’, पूर्व प्रधानमन्त्री समेत रहेका ओलीले आफ्नो फेसबुक पेजमा लेखेका छन्, ‘दुर्घटनामा ज्यान गुमाउनुहुने सबैप्रति भावपूर्ण श्रद्धाञ्जली अर्पण गर्दै शोकाकुल परिवारजनमा गहिरो समवेदना व्यक्त गर्दछु ।’
अध्यक्ष ओलीले दुर्घटनाको प्रभावकारी उद्दारका लागि सरकारसँग आग्रह समेत गरेका छन् ।