जंगी अड्डामा सेनाको युनिट विशेष प्रदर्शनी (फोटोफिचर)
काठमाडौँ । सैनिक दिवसको अवसरमा नेपाली सेनाले फोटो तथा युनिट विशेष प्रदर्शनी आयोजना गरेको छ । भद्रकालीस्थित जंगी अड्डामा आयोजित फोटो तथा युनिट विशेष प्रदर्शनी शुक्रबार प्रधान सेनापति प्रभुराम शर्माले उद्घाटन गरे । सैनिकको विभिन्न युनिटहरुले आफ्ना हतियार, बख्तरबन्द सवारी साधन र उद्दारमा प्रयोग हुने सामग्री प्रदर्शन गरेका छन् । ४ दिनसम्म सर्वसाधारणले समेत सो प्रदर्शनी अवलोकन गर्न सक्ने सैनिक प्रवक्ता (सहायकरथी) कृष्णप्रसाद भण्डारीले रातोपाटीलाई बताए ।
२६० औं सेना दिवशको अवसरमा सेनाले विविध कार्यक्रमको आयोजना गरेको छ । हरेक वर्ष शिवरात्रीको दिन नेपाली सेनाले स्थापना दिवश मनाउँदै आएको छ । फोटो तथा युनिट विशेष प्रदर्शनी प्रहरी महानिरिक्षक धिरजप्रताप सिंह र सशस्त्र प्रहरी महानिरिक्षक राजु अर्यालले पनि अवलोकन गरेका छन् ।
तस्बिर : कृष्ण खड्का/रातोपाटी