गाडी चलाउँदा बेहोस भएपछि भुसाल अस्पताल भर्ना
शुक्रबार, २० माघ २०७९, १३ : २५
काठमाडौँ । नेकपा (एकीकृत समाजवादी) का सचिवालय सदस्य घनश्याम भुसाल अस्पताल भर्ना भएका छन् ।
गाडी चलाएर तीनकुने स्थित पार्टी कार्यालय जाँदै गर्दा एक्कासि स्वास्थ्यमा समस्या देखिएपछि उनलाई नयाँ बानेश्वरस्थित सिभिल अस्पतालमा भर्ना गरिएको हो ।
‘ड्राइभर साथमा राखेर आफै गाडी चलाएर जाँदै हुनुहुन्थ्यो । वहाँ एक्कासि बेहोस हुनुभएछ । त्यसपछि गाडी दुर्घटनामा परेको हो,’ पारिवारिक स्रोतले रातोपाटीलाई बतायो । अस्पताल लागेर चेकजाँच गराउँदा वहाँको अवस्था सामान्य रहेको बताइएको छ ।