देव यू–१९ टोलीको कप्तान नियुक्त
मङ्गलबार, ०९ फागुन २०७९, २१ : १६
काठमाडौँ । देव खनालले यूएईमा आयोजना हुने आईसीसी यू–१९ पुरुष विश्वकपको एसिया छनोट प्रतियोगितामा नेपालको कप्तानी गर्ने भएका छन् ।
नेपाल क्रिकेट संघ (क्यान)ले मंगलबार एक विज्ञप्ति निकाल्दै देवलाई कप्तान नियुक्त गरिएको जनाएको छ ।
क्यानले राष्ट्रिय टोलीका खेलाडी गुलशन झालाई यसअघि कप्तानीको जिम्मेवारी दिएको थियो ।
गुलशन नेपाली राष्ट्रिय टोलीले लिग २ अन्तर्गत यूएईमा सिरिज खेल्न जाने भएका कारण क्यानले उनको ठाउँमा देवलाई जिम्मेवारी दिएको हो ।
यू–१९ छनोट प्रतियोगिता फागुन १२ देखि यूएईमा सुरु हुनेछ । नेपाली टोली बुधबार त्यसतर्फ जानेछन् ।
नेपालसहित सिङ्गापुरपुर, कतार, हङकङ, मलेसिया र आयोजक यूएई सम्मिलित प्रतियोगिताको पहिलो खेलमा नेपालले सिङ्गापुरसँग फागुन १२ गते प्रतिस्पर्धा गर्नेछ ।