निर्मलको ‘पागल’ मा रोमान्टिक अवतारमा सुरज र सुस्मिता
बुधबार, १० फागुन २०७९, १२ : ५८
काठमाडौँ । गायक निर्मल दाहालले ‘पागल’ बोलमा नयाँ गीत ल्याएक छन् । धिरज क्षेत्रीको शब्द तथा संगीत रहेको गीतमा प्रमोद परियारको एरेन्ज रहेको छ । गीतको भिडियोमा सुरज श्रेष्ठ, सुस्मिता केसी, सुशान्त महर्जन, सेमाङ बोस लगायतको अभिनय देख्न सकिन्छ । अमेरिकाको विभिन्न आकर्षक लोकेसनमा छायांकन भएको भिडियो सुरज श्रेष्ठले निर्देशन गरेका हुन् ।
रविन विक्रम कार्की र पेम्बा मोक्तानको छाँयाकन, लोकेन्द्र सुब्बाको सम्पादन रहेको भिडियो गायक दाहालकै अफिसियल युट्युव च्यानलबाट सार्वजनिक गरिएको हो । गायक दाहालका यस अगाडि ‘जब घाम ढल्छ’ र ‘अचेल’ बोलका गीतले चर्चा पाएका थिए ।