सिटीको सहज जित
आइतबार, १४ फागुन २०७९, ०९ : ३०
काठमाडौं । प्रिमियर लिग फुटबलमा म्यानचेस्टर सिटीले बर्नमाउथमाथि सहज जित निकालेको छ । शनिबार राति भएको खेलमा सिटीले बर्नेमाउथलाई ४–१ गोल अन्तरले हराएको हो । बर्नमाउथको घरेलु मैदानमा भएको खेलमा सिटीलाई जित दिलाउन जुलियन आल्भारेज, अर्लिङ हालान्ड, फिल फोडेनले एक–एक गोल गरे ।
सिटीले एक गोल आत्मघाती उपहार पाएको थियो । यता बर्नमाउथका लागि जेफर्सन लेर्माले एक गोल फर्काएका थिए । पहिलो हाफमा तीन गोल गरेको सिटीले दोस्रो हाफमा एक आत्मघाती गोल उपहार पाएको थियो ।
जितसँगै सिटीले २५ खेलमा ५५ अंक जोडेर दोस्रो स्थानमा छ । सिटीले शीर्ष स्थानको आर्सनलसँगको अंक दुरी घटाएको छ । आर्सनलको ५७ अंक छ । पराजित बर्नेमाउथ २१ अंक जोडेर १९ औं स्थानमा छ ।