एक्सक्लुसिभ स्टोरी
युनिकोड
मिति रूपान्तरण
सिसोदिया पक्राउ : आम आदमी पार्टीले भन्यो – तानाशाही, बिजेपीले भन्यो, ‘अर्को नम्बर केजरीवालको’
दिल्लीका उप मुख्यमन्त्री मनीष सिसोदियालाई सिबिआईले मदिरा नीतिको आरोपमा पक्राउ गरेको छ । सिबिआईले आइतबार बिहान मनिष सिसोदियालाई सोधपुछका लागि बोलाएको थियो । सिबिआईको कार्यालय पुग्नु अघि नै उनले आज उनलाई पक्राउ गर्न सकिने बताएका थिए ।
आम आदमी पार्टीले सिसोदियाको गिरफ्तारीलाई ‘तानाशाही’ बताएको छ र आइतबारको दिनलाई ‘लोकतन्त्रको कालो’ दिन बताएको छ ।
आम आदमी पार्टीका सांसद सञ्जय सिंहले ट्विटरमा लेखे, ‘सिसोदियाको गिरफ्तारी तानाशाहको चरम अवस्था हो । तपाईंहरुले एक राम्रा व्यक्ति र सर्वश्रेष्ठ शिक्षा मन्त्रीलाई पक्राउ गरेर राम्रो गर्नु भएन, मोदी जी । भगवानले पनि तपाईंलाई माफ गर्नु हुने छैन । एक दिन तपाईंको तानाशाहीको अन्त्य पक्कै हुनेछ मोदी जी ।’
यस्तै भारतीय जनता पार्टीले सिसोदिया पक्राउ पर्नु नै थिए भन्दै अर्को नम्बर मुख्यमन्त्री अरविन्द केजरीवालको भएको बताएको छ ।
भाजपा नेता कपिल मिश्राले एक ट्विट गरेर भने, ‘मैले सुरुदेखि नै भन्दै आएको थिएँ कि केजरीवाल, मनीष सिसोदिया र सत्येन्द्र जैन जेल जानेछन् । यीमध्ये दुईजना जेल गइसकेका छन्, अर्को नम्बर केजरीवालको हो ।’
शराब घोटाले में मनीष सिसोदिया भी गिरफ़्तार
— Kapil Mishra (@KapilMishra_IND) February 26, 2023
शराब से बर्बाद हुए परिवारों के माता बहनों की हाय लगी है मनीष सिसोदिया को
मैं शुरू से कह रहा हूँ केजरीवाल , मनीष सिसोदिया और सत्येंद्र जैन जेल जाएँगे , इनमें से दो लोग जेल जा चुके, अगला नंबर केजरीवाल का है pic.twitter.com/WBSYJDorY3
अर्कोतर्फ, आम आदमी पार्टीले सिसोदियाको गिरफ्तारीलाई लोकतन्त्रको कालो दिन भनेको छ ।
लोकतंत्र के लिए काला दिन!
— Aam Aadmi Party Delhi (@AAPDelhi) February 26, 2023
BJP की CBI ने लाखों बच्चों का भविष्य संवारने वाले दुनिया के सर्वश्रेष्ठ शिक्षा मंत्री @msisodia को फ़र्ज़ी Case में Arrest किया।
BJP ने ये गिरफ़्तारी राजनीतिक द्वैष के चलते की है।
एक ट्विट पार्टीले भन्यो, ‘लोकतन्त्रको लागि कालो दिन ! करोडौँ बालबालिकाको भविष्यलाई आकार दिने विश्वका सर्वश्रेष्ठ शिक्षा मन्त्री मनिष सिसोदियालाई बिजेपीको सिबिआईले झुटो मुद्दामा पक्राउ गर्यो । बिजेपीले यो गिरफ्तारी राजनीतिक द्वेषका कारण गरेको हो ।’
आम आदमी पार्टीका प्रवक्ता राघव चड्ढाले एक ट्विटमा भनेको छ, ‘जेलको ताल्चा टुट्नेछन् मनीष सिसोदिया छुट्नेछन् ।’
जेल के ताले टूटेंगे
— Raghav Chadha (@raghav_chadha) February 26, 2023
मनीष सिसोदिया छूटेंगे pic.twitter.com/YXGurNwDHV
खबर पढेर तपाईलाई कस्तो महसुस भयो ?
प्रतिक्रिया
लेखकको बारेमा
