मैदान प्रवेश गरेको ४० सेकेन्डमा नै रातो कार्ड
सोमबार, २२ फागुन २०७९, ११ : ५७
रोम । मोइस किनले मैदानमा प्रवेश गरेको ४० सेकेन्डमा नै रातो कार्ड पाउँदा युभेन्टस रोमासँग पराजित भएको छ । किनलाई खेलको अन्तिम मिनेटमा मैदानमा पठाइएको थियो । तर, मैदान प्रवेश गर्ने बित्तिकै रोमाका जियान लुका मानचिनीलाई हिर्काएपछि उनले सिधै रातो कार्ड प्राप्त गरेका थिए ।
रोमाका डिफेन्डरले त्यसअघि टोलीका लागि गोलसमेत गरेका थिए । त्यही नै गोल खेलमा निर्णायक बन्यो । जीतसँगै रोमा लिगको चौथो स्थानमा उक्लिएको छ । युभेन्टस भने लिगको आठौँ स्थानमा खस्किएको छ । आइतबार नै भएको अन्य खेलमा इन्टर मिलानले लिसलाई २–० ले हराउँदै लिगको दोस्रो स्थानमा उक्लिएको छ ।