एक्सक्लुसिभ स्टोरी
युनिकोड
मिति रूपान्तरण
स्पेनमा निधन भएका लोकगायक लम्सालको शुक्रबार पशुपतिमा अन्त्येष्टि
शुक्रबार, ०३ चैत २०७९, १६ : ३१
काठमाडौँ । स्पेनमा निधन भएका लोकगायक राजेन्द्र लम्सालको पार्थिव शरीरलाई शुक्रबार पशुपति आर्यघाटमा अन्त्येष्टि गरिएको छ । उनको शव स्पेनबाट आजै नेपाल ल्याइएको हो ।
लम्सालको शवलाई अन्त्येष्टि अगाडि पशुपति आर्यघाटमा श्रद्धाञ्जलीका लागि केही समय राखिएको थियो । श्रद्धाञ्जलीमा लोक तथा दोहोरी गीत प्रतिष्ठानकी अध्यक्ष रीता थापा मगर लगायत थुप्रै व्यक्तिको उपस्थिति रहेको लोक गायिका राधिका हमालले जानकारी दिइन् ।
प्रतिष्ठानको युरोप शाखाका संरक्षक समेत रहेका लम्सालको गत फागुन २३ गते निधन भएको थियो । उनी पिसाबसम्बन्धी रोगबाट पीडित थिए ।
लम्सालका ‘जापान टोकियो’, ‘डोरीको तीन फुँदा’, ‘वालिङ फिरफिरे’, ‘निलो पछ्यौरी’ लगायत थुप्रै गीत हिट छन् ।
खबर पढेर तपाईलाई कस्तो महसुस भयो ?
प्रतिक्रिया
लेखकको बारेमा
