संसद बैठक
प्रधानमन्त्रीको प्रतिबद्धता : विकासमा क्रम भङ्ग गर्दै नयाँ मोडल ल्याउने
सोमबार, ०६ चैत २०७९, १३ : ५३
काठमाडौँ । प्रधानमन्त्री पुष्पकमल दाहाल प्रचण्डले सरकारले विकासको नयाँ मोडल ल्याउने बताएका छन् । उनले विकास निर्माण टालटुले प्रक्रियाबाट सम्भव नहुने भएकाले त्यसलाई क्रमभङ्ग गरेर नयाँ मोडल ल्याउन जरुरी रहेको बताए ।
सोमबार प्रतिनिधिसभा बैठकलाई सम्बोधन गर्दै प्रधानमन्त्री प्रचण्डले १६ औँ विकास योजनामा विकासको नयाँ मोडल पेस गर्ने सरकारको तयारी रहेको बताएका हुन् ।
‘यो अवस्थाबाट पार पाउन पहिले कार्यान्वयन गरिआएका नीति योजना र कार्यक्रममा टालटुल गरेर अव सुधार हुन सम्भव छैन । क्रमभङ्ग नै जरुरी छ । त्यसैले १६ औँ विकास योजनामा विकासको नयाँ मोडल पेस गर्ने सरकारको तयारी रहेको छ’, प्रधानमन्त्री प्रचण्डको भनाइ छ ।