उद्घाटन खेलमा आयोजक विराटनगर विजयी
बिहीबार, ०९ चैत २०७९, २२ : ४१
विराटनगर । विराटनगरमा आजदेखि सुरु भएको सातौँ संस्करणको विराट गोल्डकपको उद्घाटन खेलमा घरेलु टिम विराटनगर विजयी भएको छ । विभागीय नेपाल पुलिस क्लबलाई १–० ले हराउँदै आयोजक विराटनगर सिटीले प्रतियोगितामा जित निकालेको हो । खेलको निर्धारित ९० मिनेटसम्म कुनै टिमले गोल गर्न नसकेपछि खेल अतिरिक्त समयमा गएको थियो ।
खेलको १२१ औँ मिनेटमा विराटनगरका अशिष श्रेष्ठले निर्णायक गोल गर्दै टिमलाई जित दिलाएका हुन् । पुलिसले ३७ औँ मिनेटमा प्राप्त गरेको कर्नरलाई गोलमा परिणत गरेपनि रेफ्रीले त्यसलाई मान्यता दिएका थिएनन् । विराटनगरले अब फाइनल प्रवेशका लागि भोलि हुने त्रिभुवन आर्मी र जाउलाखेलबीचको विजेतासँग खेल्नुपर्नेछ ।