उम्मेदवारी दिँदै पौडेलले भने– एमालेलाई राष्ट्रिय शक्ति बनाउने मुख्य एजेण्डा
सोमबार, २० चैत २०७९, १४ : ४५
बारा । बारा २ मा एमालेका तर्फबाट उम्मेदवारी दिएका पुरुषोत्तम पौडेलले एमालेलाई मुलुकको राष्ट्रिय शक्ति बनाउने मुख्य एजेण्डा रहेको बताएका छन् ।
सोमबार उम्मेदवारी दर्तापछि सञ्चारकर्मीले सोधेको प्रश्नमा पौडेलले भने,‘ नेकपा एमालेलाई राष्ट्रिय शक्तिका रुपमा स्थापित गर्ने मुख्य एजेण्डा हो ।’
अहिलेको उपनिर्वाचन भविष्यको रेखा रहेको भन्दै उनले २०४८ र ५६ मा पनि एमालेले जितेको बारा २ मा अहिले पनि जित्ने आधार खडा भएको बताए ।
उनले सत्ता गठबन्धन नेताहरुबीच भएपनि जनताले गठबन्धन नगरेको भन्दै एमाले देशको स्थायित्व र विकासको पक्षमा रहेकाले सबै मतदाता एमालेकै पक्षमा रहेको दाबी गरे ।