भियतनामविरुद्ध नेपालको असफल प्रयास, तस्बिरहरू

एक्सक्लुसिभ स्टोरी Unicode Converter

युनिकोड

मिति रूपान्तरण

सोमबार, ०७ असोज २०८१

ताजा

ताजा
लोकप्रिय

२४ घन्टाका ताजा अपडेट

फोटोफिचर

भियतनामविरुद्ध नेपालको असफल प्रयास, तस्बिरहरू

सुवास श्रेष्ठ

शनिबार, २५ चैत २०७९

काठमाडौँ । पेरिस ओलम्पिक २०२४ को महिला फुटबल अन्तर्गत एसियाली छनोट खेलमा नेपाल भियतनामसँगका दुई खेलमा पराजित हुँदै बाहिरिएको छ । त्रिपुरेश्वरस्थित दशरथ रंगशालामा शनिवार भएको दोस्रो खेलमा नेपाल भियतनामसँग २–० गोलले पराजित हुँदै छनोट हुन असफल भएको हो ।

यस जितसँगै भियतनाम भने दोस्रो चरणमा प्रवेश गरेको छ । फिफा वरियताको ३३ औँ स्थानमा रहेको बलियो भियतनामसँग पहिलो खेलमा ५–१ ले पराजित भएको नेपाल दोस्रो खेलमा पनि स्तब्ध हुन पुगेको हो । घरेलु मैदानमा आयोजना भएको खेलमा नेपालले अपेक्षा अनुसारको प्रदर्शन गर्न असफल भयो ।

सुरुवात १० मिनेटमा नै २ गोलले पछि परेको नेपालले पहिलो हाफको अन्त्यतिर केही राम्रो प्रदर्शन गर्दै खेलमा फर्किने सङ्केत देखाए पनि असफल रह्यो । पहिलो हाफमा २–० को अग्रता लिने क्रममा भियतनामकी फाम हायी यनले गरेकी हुन् । खेलको छैटौँ मिनेटमा यनको गोलमार्फत भियतनामले अग्रता लिएको थियो । नेपाली टोलीको रक्षा पङ्क्तिले क्लियर गर्न नसकेको बललाई यनले जाली चुमाउन सफल भएकी थिइन् ।

त्यसको एक मिनेटपछि नै यनले टोलीको अग्रता दोब्बर बनाइन् । ट्रान थि ठु थाओको क्रसमा तीन नेपाली रक्षहरुको बीचबाट आकर्षक शैलीमा बललाई नियन्त्रणमा राख्दै उत्कृष्ट गोल गरिन् । २३ औँ मिनेटमा नेपालकी सावित्रा भण्डारीको प्रहार भियतनामकी गोलरक्षक खोंग थि हांगले जोगाइन् । ३९ औँ मिनेटमा सावित्री वान भर्सेस वान अवस्थामा चुकिन् । पहिलो हाफमा २–० ले पछि परेको नेपालले खेलमा फर्किन निकै संघर्ष गरे पनि अन्तर घटाउन असफल रह्यो ।