डी लिटको उत्कृष्ट गोलमा बायर्न शीर्ष स्थानमा कायम
शनिबार, २५ चैत २०७९, २१ : ४२
बर्लिन । म्याथियस डी लिटको उत्कृष्ट गोलको मद्दतले बायर्न म्युनिखले फ्रिबर्गलाई हराउँदै जर्मन बुन्डेस लिगको शीर्ष स्थानमा कायम रहेको छ । डच डिफेन्डरले २५ यार्ड टाढाबाट गरेको एक मात्र गोल खेलमा निर्णायक निर्णायक बन्यो ।
गत मंगलबार बायर्नलाई कप प्रतियोगितामा हराएको फ्रिबर्गका लागि रिट्सु डोआनको प्रहार पोस्टमा लागेको थियो भने रोलान्ड सालीको प्रहार यान सोमरले बचाउ गरेका थिए ।
उता, युनियन बर्लिनलाई २–१ ले हराउँदै बोरुसिया डर्टमण्ड थोमस टुकलको टोलीभन्दा दुई अङ्कले पछि परेको छ ।