नक्कली विज्ञापन राखी ठगी गरेको आरोपमा एक युवक पक्राउ
आइतबार, २६ चैत २०७९, १६ : २९
काठमाडौँ । नक्कली विज्ञापन राखी अनलाइनमार्फत ठगी गरेको आरोपमा प्रहरीले एक जनालाई पक्राउ गरेको छ । पक्राउ पर्नेमा हुम्ला सिमकोट ४ का २४ वर्षीय उपेन्द्र शाही रहेका छन् । उनलाई भक्तपुरको बालकोटबाट आइतवार पक्राउ गरिएको प्रहरीले जानकारी दिएको छ ।
शाहीले हाम्रो बजार डट नामको वेभसाइटमा नक्कली विज्ञापन राखी ठगी गरेको प्रहरीले बताएको छ । ठगीसम्बन्धी कसूरमा पक्राउ परेका उनलाई थप अनुसन्धानका लागि प्रहरी परिसर टेकु पठाइएको काठमाडौं उपत्यका अपराध अनुसन्धान कार्यालयले जनाएको छ ।