स्लोभाकिया पठाउँछु भनेर १२ लाख ठगेको आरोपमा एकजना पक्राउ
मङ्गलबार, २८ चैत २०७९, १६ : ०८
काठमाडौँ । स्लोभाकिया पठाउँछु भनेर ठगेको आरोपमा प्रहरीले एकजनालाई पक्राउ गरेको छ । पक्राउ पर्नेमा पाँचथरको फागुनन्द गाउँपालिका–३ घर भएर ललितपुर बस्ने एकराज नेम्वाङ छन् ।
४६ वर्षीय नेम्वाङले स्लोभाकियाको सपना देखाएर १२ लाख रुपैयाँ ठगेको उपत्यका अपराध अनुसन्धान कार्यालयका एसपी सोमेन्द्र सिंह राठौरले रातोपाटीलाई बताए । स्लोभाकिया जान १२ लाख लाग्ने र त्यहाँ प्रति महिना २ लाख कमाई हुने सपना देखाएर उनले पीडितहरुलाई विश्वासमा लिएका थिए ।
प्रहरीले गोंगबुबाट पक्राउ गरेर उनलाई वैदेशिक रोजगार विभागमा बुझाएको छ ।