नौ हजार घुससहित प्रहरी असई अख्तियारको फन्दामा
बिहीबार, ३० चैत २०७९, २१ : ०१
जनकपुरधाम । सिराहामा नौ हजार घुससहित एकजना प्रहरी पक्राउ परेका छन् ।
अख्तियार दुरुपयोग अनुसन्धान आयोग बर्दिबासको टोलीले प्रहरीलाई घुससहित पक्राउ गरेको हो ।
अख्तियारको टोलीले इलाका प्रहरी कार्यालय मिर्चैयाका असई सचिन यादवलाई पक्राउ गरेको छ ।
उनलाई बिहीबार साँझ घुस लिँदै गरेको अवस्थामा नियन्त्रणमा लिएको अख्तियारले जनाएको छ ।