खड्ग गर्बुजाले ल्याए लाउरे ठाडो भाका (भिडियोसहित)
काठमाडौँ । गायक खड्ग गर्बुजाको नयाँ लोकदोहोरी गीत लाउरे ठाडो भाका शुक्रबार सार्वजनिक भएको छ ।
गीतमा शब्द तथा संगीत गर्बुजाकै रहेको छ । द भ्वाइस अफ नेपालकी ताराश्रीष मगरले गर्बुजालाई गायनमा साथ दिएकी छन् ।
‘लाहुरेको मनको कुरा बोलेको छ यो गीतले । गण्डकी क्षेत्रमा रहेका गुरुङ, मगरहरू लाहुर जाँदा गाइने गीत हो, लाउरे’, गीतको सन्दर्भ जोड्दै उनले भने ।
सालैजो सोरठी, यानिमाया ठाडो भाका कौरा झ्याउरे ख्यालीजस्ता गीतलाई पुनर्जीवन दिएर युवा जमातमा लोकप्रिय बनाउने अग्रणी लोकगायक हुन् गर्बुजा ।तीन दशकदेखि संगीत क्षेत्रमा रहेका उनले आफ्ना पुराना गीत पनि भिडियोमार्फत् दर्शकमाझ ल्याउने बताए ।
गीतको भिडियोमा अभिनेता राहुल केसी र अभिनेत्री केकी अधिकारीको रहेको छ ।
राजु केसीको निर्देशनमा तयार भएको गीतलरक्षा बानिया र आकाश केसीले निर्माण गरेको हुन् । सुनिल क्षेत्रीको कोरियोग्राफी रहेको लाउरे केसीएम युट्युब च्यानलबाट सार्वजनिक भएको हो ।