एक्सक्लुसिभ स्टोरी
युनिकोड
मिति रूपान्तरण
यातायात कार्यालयको हेल्प डेक्समा आगजनी गरेको अभियोगमा पक्राउ
आइतबार, ०३ वैशाख २०८०, ११ : ५०
भक्तपुर । मध्यपुर ठिमी नगरपालिका-५ राधेराधेस्थित यातायात कार्यालयभित्र रहेको हेल्प डेक्समा आगजनी गरेको अभियोगमा एक जना पक्राउ परेका छन् ।
पक्राउ पर्नेमा सिन्धुपालचोकको मेलम्ची नगरपालिका-१ घर भई हाल भक्तपुर राधेराधे बस्ने ४१ वर्षीय राज कुमार चौलागाई रहेका छन् । उनलाई शनिबार दिउँसो प्रहरीले पक्राउ गरेको हो ।
चौलागाईले मादक पदार्थ सेवन गरी उक्त हेल्प डेक्समा आगजनी गरेको सूचनाका आधारमा प्रहरी वृत्त ठिमीबाट खटिएको प्रहरीले उनलाई पक्राउ गरेको हो । आगलागीबाट हेल्प डेक्स जलेर करिब १ लाख रूपैयाँ बराबरको धनमाल जलेर नष्ट भएको छ ।
यस सम्बन्धमा प्रहरीले आवश्यक अनुसन्धान गरिरहेको छ ।
खबर पढेर तपाईलाई कस्तो महसुस भयो ?
प्रतिक्रिया
लेखकको बारेमा
