अजित कुमारको सिरिज ‘मिराई’ को छायांकन काठमाडौँमा
मङ्गलबार, ०५ वैशाख २०८०, १८ : १३
काठमाडौँ । दक्षिण भारतीय(साउथ) सुपरस्टार अजित कुमारको सिरिज ‘मिराई’ को छायांकन काठमाडौँमा भइरहेको छ । ‘मिराई’ युनिट धनुषा र झापाको छायांकन पछि काठमाडौँमा आएको हो ।
काठमाडौँका विभिन्न क्षेत्रमा फिल्मको ४ दिन सुटिङ हुने निर्माण नियन्त्रक मनोज जोशीले बताए । सुटिङका लागि २२ जनाको टोली नेपाल आएका छन् । सिरिजमा अजितकुमार सहित अभिनेत्री म्याडीको पनि अभिनय रहनेछ ।
अभिनेता अजित कुमार पूर्वी नेपालको झापा, जनकपुर हुँदै बाइक हाँकेर काठमाडौँ आएका हुन् । साउथ फिल्म क्षेत्रका हिट अभिनेता अजित कुमारको नेपालमा पनि राम्रो क्रेज छ । उनी बाइकका सौखिन छन् । बाइकमा विश्वका विभिन्न देश समेत उनले घुमिसकेका छन् ।