ए डिभिजन लिगमा आज दुई खेल हुँदै
आइतबार, १० वैशाख २०८०, ०९ : १८
काठमाडौँ । शहीद स्मारक ए डिभिजन लिग फुटबल अन्तर्गत आज दुई खेल हुँदै छन् । आज एक दशरथ रङ्गशाला र एक खेल च्यासल मैदानमा हुनेछ ।
त्रिपुरेश्वरस्थित दशरथ रङ्गशालामा हुने खेलमा सङ्कटा क्लब र थ्री स्टार क्लबबीच खेल हुनेछ । सङ्कटा र थ्री स्टारबीचको खेल साँझ ६ बजे सुरु हुनेछ ।
च्यासल मैदानमा हिमालयन शेर्पा क्लब र रोयल ब्लु सातदोबाटो युथ क्लबबीच खेल हुनेछ । हिमालयन र सातदोबाटोबीचको खेल दिउँसो ३ बजे सुरु हुनेछ ।